هل ندمت يوما ما على صراحتك مع شخص

الصراحة أساس لنجاح علاقاتنا مع الأخرين . الحياة الزوجيه , الصداقه , التعاملات المادية و غيرها من أمور

الحياة تقوم على الصراحة لكي تستمر بنجاح .

برأيك هل تحتمل كلمة الصراحة أكثر من معنى ؟ ما مفهومها الحقيقي بنظرك ؟

إلى أي مدى تكون الصراحة مجديه و مفيده؟

هل للصراحة سلبيات ؟ ما هي ؟

هل تخاف أو تتجنب مصارحة الأخرين بحقائقهم ؟

هل ندمت يوما ما على صراحتك مع شخص ما و تمنيت لو أنك لم تكن صريحا معه؟

ما موقفك من شخص صارحته بحقيقة ما غضب منك و أنهال عليك بما لا يرضيك ؟

برأيك هل هناك فرق بين الصراحة , الوقاحة و الجراءة بالحديث ؟ أرجو التوضيح .

هل لك أن تفيدنا ببعض الوسائل الدبلوماسية لمصارحة الأخرين دون المساس بمشاعرهم.

كم يشرفني مروركم على موضوعي و إجابتي بصراحة متناهية .

تقبلوا فائق تقديري و إحترامي

برأيك هل تحتمل كلمة الصراحة أكثر من معنى ؟ ما مفهومها الحقيقي بنظرك ؟
هلا في ناس تحت غطاء الصراحة بقومو بسب ناس بشتمهم بس الصراحة مو هيك
الصراحة انو في شي مثلا بشخص شايف انو لازم تنبهو الو حتى لو ممكن ما يعجبو المهم تحكيلو انو ها الشي وها شي مو منيح لازم تغيرو
والافضل تكون انت معو لحالكم

إلى أي مدى تكون الصراحة مجديه و مفيده؟
هلأ مو كثير بتكون الصراحة مفيدة
يعني حسب المتلقي
وهلأ عنا الناس الى انفهم للسما كثار
مشان هيك انا ازا بها الموضوع بحكي مع الاقارب الي
الناس التانين مابهمني صارحهم بشي

هل للصراحة سلبيات ؟ ما هي ؟
انو مثلا ازا الشخص ما بعرف يوصل فكرتو صح
ممكن تكون ك تجريح وهون ممكن نخسر ناس بنعزهم

هل تخاف أو تتجنب مصارحة الأخرين بحقائقهم ؟
حكيت انو الناس المقريبن والى راح يفهمو صراحتي بصارح
ناس تانين لا
تك مع شخص ما و تمنيت لو أنك لم تكن صريحا معه؟هل ندمت يوما ما على صراحك

ير مرات بتصير مو مرة

ما موقفك من شخص صارحته بحقيقة ما غضب منك و أنهال عليك بما لا يرضيك ؟
ماراح لومو لانو كل واحد وكيف بتقبل المصارحة
راح احكيلو انا اسف بس كان بدي نبهك لها الشي مو قاصدي سئلك

برأيك هل هناك فرق بين الصراحة , الوقاحة و الجراءة بالحديث ؟ أرجو التوضيح .

شتان بين الصراحة والوقاحة والجرأة

يعني اصلاا من الكلامات معروف شو الفرق

يسلمووو الاء ع الطرح

مشكور ميرو ع مرورك بس ليش انت مدئر بس للاقارب الصراحه برائيك موكزب انو ماتحكي الصراحه الا لغير الاقارب

مو اقارب يعني اهل عيليتي

لا

انو المقريبن الي

هلأ انت مو قريبتي بس ممكن تكوني مقربة الي واحكيلك

وممكن شخحص من عيلتي ما احكيلو

لانو انت راح تتفهميني وتفهمي شو بدي احكي اكثر

برأيك هل تحتمل كلمة الصراحة أكثر من معنى ؟ ما مفهومها الحقيقي بنظرك ؟

ممم .. انا بشوف انه الصراحة صراحة .. معناها واضح
ما بيحتمل شي تاني او معنى تاني
غير ازا الناس همة يللي بيأولو معناه عحسب مصلحتهم او هدفهم منها

إلى أي مدى تكون الصراحة مجديه و مفيده؟
برأيي انها دايما مجدية ومفيدة .. ازا كان الهدف منها ايجابي

هل للصراحة سلبيات ؟ ما هي ؟

سلبيتها انه يمكن الطرف الاخر اللي صارحناه حيتدايئ .. بس باولها
بعدين حيعرف انه هدفي كان شي لمصلحته
ازا كان واعي طبعا

هل تخاف أو تتجنب مصارحة الأخرين بحقائقهم ؟

حسب الشخص .. انه كل ما كان اقرب مني حيكون اصعب علي
انه اصارحه .. لانه وقتها حكون خايفة عمشاعره اكتر من لما بصارح حدا
ما بيعنيلي هالشي الكتير ..
بس انه بالعادة لا ما بتجنب مصارحة الاخرين

هل ندمت يوما على صراحتك مع شخص ما و تمنيت لو أنك لم تكن صريحا معه؟

لا الحمدلله .. انه حتى لو زعلو .. بكون انا عملت اللي علي
وصارحتهم بهالشي .. لهيك ما بندم الحمدلله

ما موقفك من شخص صارحته بحقيقة ما غضب منك و أنهال عليك بما لا يرضيك ؟

ممم .. حزعل منه
ما بعتقد حرجع اصارحه بعد هيك

برأيك هل هناك فرق بين الصراحة , الوقاحة و الجراءة بالحديث ؟ أرجو التوضيح .

الوقاحة انه الواحد يتعدى حدوده كتير.. وأبدا ما الها علاقة بالصراحة اللي عم بنحكي عنها
الجرأة .. بظن مرتبطة بالصراحة .. لانه كتير ناس بيكون بدهم يصارحو
بس ما بتكون عندهم جراة ليحكو هالشي ..

بس هيك

شكرا عالموضوع

» يوما ن أم سنتان